കാണ്മാനില്ല, ചില വാക്കുകള്!
ഇന്നലെ ഞാനെഴുതിയ
എന്റെ കവിത വരികളിലെ
ചില വാക്കുകള് കാണാനില്ല.
എവിടെ പോയിരിക്കും?
സ്ഥാനം ഇഷ്ട്ടപ്പെടാതെ
പുതിയ മേച്ചില്പ്പുറങള്ത്തേടി
സ്വയം ഇറങിപ്പോയതായിരിക്കുമോ?
എങ്കില്,
കൂറൂമാറ്റത്തിനു
ഞാനവര്ക്കെതിരെ എവിടെ കേസ് കൊടുക്കും?
ആ വാക്കുകള് കൂടിച്ചേര്ന്നിനി
പുതിയൊരു കവിതയാകുമോ?
ഇന്നലെയെന്റെ കവിത വായിച്ചവരില് ആരെങ്കിലും
മോഷ്ട്ടിച്ചു കൊണ്ടു പോയതായിരിക്കുമോ?
എങ്കില്,
അവയെ എവിടെ ഒളിപ്പിച്ചു പാര്പ്പിച്ചിരിക്കും?
അതോ,
അവകാശത്തര്ക്കങളുന്നയിച്ച് ചിലര്
എടുത്ത് കൊണ്ടുപ്പോയതോ?
അയ്യോ!
എന്റെ പേനയുടെ
കൂര്ത്ത മുനത്തുംബില് നിന്നും
അടര്ന്നു വീണയെന്റെ കവിതയിലെ
ആ വാക്കുകള്
എന്റേതു തന്നെ ആയിരുന്നില്ലെ?
വെറും വാക്കുകള്ക്കു അവകാശമുന്നയിക്കാന്
എല്ലാവര്ക്കുമാകും.
പക്ഷെ,
എന്റെ കവിതയിലെ വാക്കുകള്,
അവ എന്റേതു മാത്രമല്ലെ?
ആവണം!
ഇന്നലെ ഞാനെഴുതിയ
എന്റെ കവിത വരികളിലെ
ചില വാക്കുകള് കാണാനില്ല.
ഇറങിപ്പോയതോ,
മോഷ്ട്ടിച്ചു കൊണ്ടു പോയതോ,
എന്തുമാകട്ടെ;
എന്റെ കവിതയിലെ
ആ വാക്കുകള്
എന്നെ തിരിച്ചേല്പ്പിക്കുക;
അപേക്ഷയാണ്.
കവിത തന്നെയും
എന്നില് നിന്നു നഷ്ട്ടപ്പെടാവുന്ന
അവസ്ഥയിലാണിന്നു ഞാന്!
ധന്യന്.
Wednesday, November 7, 2007
Subscribe to:
Post Comments (Atom)
2 comments:
ആ..ശ്രീ എടുത്തത് തന്നാകും.. ശ്രീ മാത്രമേ ചെയ്യൂ...
(തമാശ പറയാന് ശ്രമിച്ചതാ മാഷേ നന്നായിരിക്കുന്നൂട്ടോ...)
Somethings and some people I say.. a lot of varied emotions very well captured..
Like we say " ente pranayam vettetta marakkombu pole aanu; athinte ilakal njaan polum ariyathe kozhiyunnu.. pinnedava kilirthitte illa... "
Post a Comment